راعية الغجر

اللامبالاة الي في الدنيا
_ يلا يا ادهم خد الانتيكة بسرعة عشان نهرب بسرعة
_ انتيكة اي وقرف اي بقولك انا قټلت.. انا بقيت مچرم
_ بقولك يلا خد الانتيكة بسرعة عشان نهرب قبل ما يتقبض علينا يلا يا ادهم يلا
كنت بقرب من الدولاب وانا بترعش واخدت الانتيكة وهربنا من المكان.. خاېف لا ده انا مړعوپ من الي جاي واكيد هيعرفوني من البصمات انا خلاص اټدمرت.. عدي يوم والتاني لحد ما قريت في الجرايد عن مقټل راجل في منطقة معزولة في شقته والمفاجأة ان البيت اتحرق بالراجل.. ازاي .. مين الي حړق البيت
بس كده خلاص مفيش بصمات خلاص انا مش هيتقبض عليا.. وبدأت الامور تهدي تدريجي
عدي كام يوم وجمعنا الانتيكات وبالمناسبة اخر انتيكة كان عليها حرف الالف
عشان بعد ما جمعت 7 انتيكات يكون الاسم الي اتجمع اورسولا مكنتش فاهم يعني اي
سولا اصرت تعزمني علي العشا احتفالا اننا كملنا الانتيكات.. وافقت.. واحتفظت بالانتيكات عندي بالاوضة الخاصة.. كنت مرهق جدا وعاوز انام ونمت وشوفت حلم غريب.. شوفت نفسي في فرح وكنت انا قاعد علي الكوشة لما بصيت جمبي كانت سولا وجيه شخص وحط ايده علي راسي وقال كلام غريب مفهمتهوش.. بمجرد ما خلص كل المعازيم بدأو يصرخوا صړاخ رهيب.. صحيت من النوم وانا بستعيذ بالله من الشيطان الرجيم
بصيت في الساعة كانت 6 بليل.. قومت ولبست عشان اقابل سولا علي العشا وعلى الساعة 8 اتقابلنا في مطعم كبير في القاهرة وقعدنا نتعشي لقيت نفسي وبدون مقدمات بقولها
_ سولا تقبلي تتجوزيني اي قولت اي.. انا مش عارفه ارد اقول اي
اترسمت ملامح الخجل علي وش سولا في حين انا كنت حاسس اني اتسحرت بيها واني مش قادر ابعد عنها تاني وقولتلها
_ ها قولتي اي
_ ادهم سبني افكر عشان اعرف اخد قراري
_ماشي بس خدي القرار ده بسرعة
رجعت البيت مستني القرار الي هيغير حياتي.. جوايا صوت بيقولي انت بتعمل اي وجواز اي لكن انا عاوز اتجوزها خلاص ده قراري.
يومين وبحاول اتصل بيها مش بترد عليا كنت خاېف وقلقان.. لحد ما لقيتها بتتصل بيا في اليوم التالت
_ الو ايوة يا سولا مش بتردي عليا ليه
_ قابلني دلوقتي في الكافية الي بنتقابل فيه
_حاضر
نزلت قابلتها وبدأت كلامها وقالت
_ اكيد انت مستغرب انا ازاي متجوزتش لحد دلوقتي.. انا كنت متجوزه يا ادهم وسابني عشان مبخلفش انا اترددت قبل ما اقولك لكن هي دي الحقيقه ولو انت عاوز تتجوزني اعرف انك عمرك ما هتكون اب وانا حرام عليا امنعك من الخلفة
_انا عاوز اقولك حاجة انا كمان مبخلفش ويمكن ربنا بعتنا لبعض عشان محدش فينا يتعذب.. انا مصمم اني اتجوزك انا بحبك انتي ومش عاوز اطفال انا عاوزك انتي
ابتسمت سولا وقالت انا موافقة..مكنتش مصدق انها وافقت عليا كنت فرحان جدا واتفقنا اننا نتجوز اخر الاسبوع.. هي عايشة لوحدها وانا عايش لوحدي يعني مفيش حد من اهلنا عايش
ومن اللحظة دي اتقلبت حياتي 180 درجة
اتجوزنا اخر الاسبوع فعلا مش قادر اوصف كم السعادة الي كنت حاسس بيها.. نسيت كنوز الارض الي قلتلي عليها هدور عليها ليه وانا بمتلك اغلي كنز في الدنيا
مقدرش اوصف اي هو مفهوم السعادة لانه بجد يتحس.. اشتريت ليها فيلا وخصصت فيها معرض انتيكات في اوضة خاصة ونقلت فيها كل الانتيكات الحياة معاها كانت بتحلي يوم بعد يوم
لحد لما عدي علي جوازنا 9 شهور وكانوا كلهم سعادة وحب
كل الي فات ده عادي لكن قصتي الي عاوز احكيها وعاوزكم تركزوا في الي جااي كان بيطارني كابوس غريب مش فاهم اي حاجة منه
كنت بشوف نفسي واقف قدام واحدة لابسة لبس غجري جميلة جدا وبتقولي
عرضت عليك الزواج مقابل كشف كنوز الارض فلماذا قټلت ابني.. ووشها الي كان جميل بيتشوه ولماذا قتلتني سيكون منك اڼتقامي شديد وتخنقني واقوم من النوم مڤزوع
في يوم لقيت سولا واقفة في البلكونة وبتبص للسما.. سألتها
_ في حاجة يا حببيتي
_ شايف يا ادهم القمر مكتمل بيكون جميل اوي
ضحكت وقولتلها اه فعلا جميل يلا ننام عشان الوقت اتأخر عشان متأخرش علي الشغل.. ودخلت انام الكوابيس المزعجة لسه بتطاردني.. قومت من النوم مڤزوع كالعادة وباخد نفسي بالعافية..