راعية الغجر

نمت قد اي لكني صحيت علي صوت رنة تليفوني.. كانت سولا.. رديت عليها وقولتلها
_ ايوة يا سولا معاكي في اي
_ خلاص يا ادهم باقي اتنين والاتنين دول في مصر يعني مش هنسافر تاني
_ طيب الحمدلله.. امتي هنروح للراجل الي معاه الانتيكة
_ بكرة هنتقابل ونروح
تاني يوم قابلت سولا وقولتلها
_ اي حكاية الراجل الي رايحين عنده ده
_الراجل ده معالج روحاني اسمه الورداني بيعالج من المس والسحر
_ وده هيرضي ياخد فلوس
_ مفيش حد ملهوش تمن يا ادهم.. هيوافق متقلقش
واتحركنا على بيت الورداني.. وانا كنت راسم صورة فى عقلي عن الورداني ده انه دجال واني هشوف عنده جو الافلام والمبخرة والدخان والحاجات دي.. لكن الحقيقة انها كانت شقة في عمارة فخمة دخلنا الشقة ولقينا واحد قاعد علي مكتب زي سكرتير وقال اهلا جيتوا في معادكوا
معادنا!!! احنا مش محددين ميعاد مع الشيخ الورداني
_ اولا اسمه الدكتور الورداني استاذ علم الروحانيات وثانيا الدكتور عارف انكم جايين وجايين ليه
_ طيب تمام يعني نقدر ندخله..
قام من مكانه وفتح باب الاوضه واحنا دخلنا وراه لكن اټصدمنا لما شوفت الدكتور الورداني مېت وجثته علي الارض صړخ السكرتير بتاعه وفضل يقول قوم يا دكتور متسبنيش
في اللحظة دي لمحت الانتيكة علي الترابيزة وكانت وسط كتب كتير اظن انها كتب سحر بس اي دخل الانتيكةبالكلام ده..الراجل ده كان بيعمل اي .. ولقيت سولا بتقولي خد الانتيكة بسرعة عشان نمشي خد الانتيكة يا ادهم بسرعة
جريت اخدت الانتيكة والسكرتير كان مشغول بالعياط علي الشيخ او الدكتور زي ما هو بيقول
وخرجنا من المكان بسرعة. الانتيكة المرة دي كانت عليها حرف ال ل
مشينا وروحنا قعدنا في كافيه عشان نريح اعصابنا.. اتكلمت سولا وقالت
_ خلاص يا ادهم فاضل اخر انتيكة وحلمنا يتحقق
_اه خلاص ربنا يسترها ان شاءلله
_ مالك يا ادهم في اي
_ انا حاسس اني سبت شغلي وحياتي ومشيت ورا اوهام
_لا يا ادهم مش اوهام.. احنا عندنا حلم وخلاص فاضل خطوة وهنحققه
كنت مش مطمن لحد ما سولا عرضت عليا معلومات عن اخر شخص معاه اخر انتيكة وقالت
_ سيبك من الكلام ده يا ادهم وخلينا في الشغل
الراجل اسمه عمران ساكن في منطقة معزولة شوية.. والناس بتقول عليه مريض نفسي يعنى نتكلم معاه بشويش كده عشان نعرف ناخد منه الانتيكة
_ انا ھموت واعرف انتي بتعرفي ده كله منين وازاي
_ ادهم انا قعدت الف وادور سنين علي الانتيكات دي ولما عرفت مكانهم كانت أسهل حاجة جمع معلومات عنهم بس كنت محتاجه حد زيك حد يساعدني يا ادهم
خرجنا من الكافية علي عنوان في منطقة معزولة شوية عن الناس وصلنا لبيت الاستاذ عمران.. كان باب البيت موارب.. دخلنا مش شايف حد
لكن كان فيه زي دولاب من الزجاج وهو حاطط الانتيكة جواه لسه بنقرب سمعنا صوت بيقولنا _انتوا مين ودخلتوا هنا ازاي.. رديت انا عليه وقولتله الباب كان موارب واحنا خبطنا ومحدش رد لكن الراجل كان مبرق وباصص لسولا وقال
_انتي لسه عايشة.. طب ازاي ده انا مخلص عليكي بايدي ومتأكد انك مېتة دلوقتي
_ حضرتك مين الي مېتة وانت تعرف سولا من فين يتبع الجزء الثاني
يا تري عمران يعرف سولا منين.. وازاي بيقول عنها مېتة!!
انتظروني في الجزء الثاني من قصة راعية الغجر واحداث مرعبة جداراعية الغجر
الجزء الثاني
_ اعرفها عز المعرفة.. دي الشيطان في ثوب بني آدم دي اللعڼة الي ډمرت حياتي.. بس انا قد وعدي وقولت انك لو رجعتي للدنيا دي ھقتلك مليون مرة بس المرة دي ھقتلك وهحرق جثتك عشان مترجعيش للدنيا تاني.. رغم اني دفنتك بايدي.. انتي رجعتي للدنيا ازاي
ولقينا الراجل ده طلع مسډس وقال دي نهايتك يا سولا.. صړخت سولا فيا اتصرف اعمل حاجة هيموتني في اللحظة دي تليفونه رن وده خلاه يبص وراه عشان يشوف التليفون فين.. جريت عليه عشان امسك وبقا هو يشد وانا اشد وفضلت ازعق واقول لسولا خدي الانتيكة واهربي بسرعة من هنا لكن الغريب ان سولا كانت واقفة زي التمثال مش بتتحرك وللاسف طلعت طلقة بالغلط وجات فيه ووقع علي الارض چثة هامدة
ينهار اسود انا اي الي هببته ده انا قټلت.. قټلت بجد.. لقيت سولا بتقولي بمنتهي