حكاية جنه

منها عمار مسرعا يسألها بصوت متلهف قلق
مالك حاسه بإيه 
فعقدت حاجبيها وراحت تخبره بنبرة فاح منها الألم بوضوح
بطني ۏجعاني اوي مش قادرة امبارح جاتلي نغزات كده بس قولت عادي واستحملت بس النهارده زادت 
إلتقط عمار هاتفه مسرعا ثم حاوطها
بذراعاه متابعا بتلك النبرة الحانية المحببة لقلبها
الف سلامة عليكي يا حبيبي تعالي انا هاخدك للدكتورة وفي الطريق هكلم مامتك اقولها اني اخدتك 

وبعد فترة 
كانت الطبيبة قد إنتهت من فحص جنة فجلست في هدوء تخبرهم بنبرة دبلوماسية
متقلقوش الجنين بخير بس المدام عندها ضعف عام وواضح إن التقلصات دي والألم اللي بتحس بيه لسبب نفسي مش عضوي وطبعا مش محتاجة اقولكم إن النفسية مهمة جدا في الشهور الأولى وبتأثر على الجنين
طبعا يا دكتورة شكرا جدا لحضرتك 
تمتم بها كلاهما شاكرين الطبيبة ولكن عمار كان في واد آخر حبيس أفكاره وعتاب ضميره كان يسقط عليه كالسوط ليجلده مع كل كلمة من الطبيبة كيف لم يفكر يوما منذ أن عرف بخبر حملها أن يأخذها لطبيبة ليطمئنا على الجنين ! ألهذه الدرجة هو كان مقصر في حقها وفي حق طفله ألهذه الدرجة ضغط عليها نفسيا حتى وصل ۏجعها لطفله الذي لم يأتي بعد ! 
كان يجب عليه على الأقل أن يكن حريص بشأن ما يخص طفله زفر پعنف وهو يمسح وجهه الملتوي بمشاعر شتى ثم قرر أن يقف وقفة حاسمة مع نفسه بشأن ما حدث وما سيحدث 
يجب عليه أن يحجم أشباح الماضي التي كانت تطوف حياتهما سارقة منهما كل شعور دافئ زاهي لتتركهم فقط ملطخين بوصمات الماضي !
انا اسف إني قصرت معاكي جامد الفترة اللي فاتت وأسف إني تعبتك وخليتك تفكري إني بعاقبك حقك عليا يا ست البنات صدقيني مكنتش قادر أتخطى اللي حصل بسهولة 
اومأت جنة موافقة بعينين لامعتين بالدموع
أنا عارفة يا حبيبي وفاهمة كويس متقلقش بس صعبان عليا بعدك عني كل الوقت ده 
من النهارده بأذن الله مفيش بعد مفيش أسرار 
عز الطلب يا غالية 
قالها وهو يغمزها
تمت بحمدالله